I hlimthla rose par-ah

07/9/2007

“Khi, khi tilai a tang khian zingah kawl en hnu deuh ah a rawn langa, chuan, chawhnu thlang heran khi tilai tlang a hmawng ler chip zawn khi nitina a thlen hun ngaiah chiah a rawn thleng a. Tlai lamah hian, saw saw tilai tlang zawnah sawn khaw thim hma hian a liam ziah a, a hun a vawng dik asin aw,nitin hian a tlai ngai lo reng reng,” tih pah chuan ni in ahun a vawn dik thin zia chu a sawi mawlh mawlh a.

A nih thianpa pangparah hian enge mawi i tih ber tiin kan zawt thut a. Ani chuan, “Rose” tiin min chhang ve mai. Anih rose ah chuan a englai chu nge mawi i tih ber a kan ti leh hram a. “A par bawr lai hi mawi ka ti ber e kei chu”, tiin min chhang leh a.

Pa rothap hmelpui, sek tel tul te pawh hian pangparte hi mawi an lo ti ve tho a ni maw? Kei chu hetiang  pa sek tel tul rothap deuhte hi chuan pangparte hi mawiti turah ka lo ring ngai lova. Khawvelte pawh hi ten hluah hluah turah ka lo ngai ngawt a.

Ka zan mu tur chuan dawhkan ‘a rose par lo in khawi chu ka hmu a, chiang deuhin ka han bel ta a. A parte chu a lomawi na ngang mai, a hnahte pawh chu paih a nibawk si lova, chu chuan atih mawi belh chhah mai bakah a landante chu a ti danglam hle in ka hre bawk a. A kuang chu ka han enchain deuh chuan, a hling zawng zawng chu a loin thleh fai vek ka hmuh chuan mak ka ti hman kher mai, mahse a chhan, ‘hling a neih chuan khawih vel ati harsa dawn’ a ni tih chu ka hre leh ta thuai a. Ka mutsan ta a.

Jokes PIc Collect

TeamViewer Installation

1. choose Install, Click next button
2. choose personal/non-commercial use, Click next button
3. tick I accept & I agree Install, Click next button
4.choose No(Default), Click Finish button
5.Server Give you Automatic Your ID & Password

Lunglei YMA General Conferance vawi 65-na thlalak thenkhat te

Lunglei YMA Website Graphics

My Mafia Autoplay setting

Download MafiaWars Autplay

 

Turnipui

Turnipui len kawl an a lo her chhuak a, sirva leh nungchate tualchaina ti nuam an, hringmiten an ianga zaivawr ve turin, an hlimna zahve pawh ka dawng pha ve silo maw!!! keini iangin an damlai nite sei ve se, an hlimnate chu hriat theih leh hmuh theih in romei iangin zam ve se kei tawn ka nuam…an hlimna romei ianga zam vel chu.

Thlasik kawng lo paw chiai mai te hian hringmi tan awm ze thui tak neih tumin, Hringnun her danglamtu an ni si a maw, Mahse a mileng zawng a pa lungmawl leh lungleng mi tan chuan tawrh a har ngei mai, hringmi chunga an thil tumte hi, mahse anka chhuakin an sawi ve silo, trawng theiin anka nem tawng thei ni ila, dam chhung atan, kei tawn ka nuam hringmi lak an thil tumte hi, anka nem a min hlan chu. Kei ka tan chuan dam chhungin ka tawn a an thil hlante chu ka sawi fiah zo awm silo.

Romei lo paw chuk mai te hian thralkhaw mawitu nih tumin leh hringmi lungmawl chawk hlimtu a tran tumin theih tawp chhuah a hmanhlel ni hian an mawi si a maw!! A mi zawnga pa lungleng mi tan chuan tahlai luaithlipui nul zai rel tu mai an chang si;

TUNGE KA NIH A, TUNGE KEIMAH ?

Rilru hah tidam tur leh boruak thengthawnuam dawn tumin nasa takin ka bei a,  harsatna leh manganna in min bual atna atangin tal chhuak dan a awm dah lawng maw tiin thei leh thei lovin taksa nawmna leh rilru damna zawng turin tlangchhipah ka lawn a,  harsa ti tak chungin chu tlang chu a chip ka han thleng ve rawi a, ka duh leh ka rin ang ngeiin chu tlangchip chu a lo nuam hle mai, thut hmun kan rem fel sauh sauh a, chhimlam atangin thli rawn thaw heuh heuh a, chu thli rawn thaw heuh heuh chuan ka rilru hahna tamtak chu a len bo ta ni hialin ka inhria, ka dam sawng sawng ni te hian ka hre bawk.

Hun leh kum tamtak liamta a ka nun hluite ka dawn kir a, chutia ka thut reng lai chuan; thlansa phul kai a lawn ka nih avangin ka taksa chu a lo chau deuh a ni chek ang chu, ka lo muhil hman a, ka mumangah chuan ka thil ngaihtuah laite chu ka mang chhun zawm a.

Ka hming tura min phauh sak anga an han au ka hriat chuan keimah ah ni ngei a in rinna ka neih avangin ka eih lauh a, mahse chu eih lauh va chu ngun taka ka han ngaihtuah pawhin tunge a nih a, tunge ka nih reng reng ka in hre thei miah chuanglo a nih chu.

‘Nunna hi thihna, Thihna hi Nunna a ni e,’ an tih fo thin tichiang turte zinga tel ve turin he khawvel eng ka tawng ve tih pawh inhre miah lovin ka lo khawsa ve tanna, tunge ka nih, enge ka nih pawh inhre lovin saisen chunchawi duatlai chu darthlalang no ang maiin keh thei dawm takte a dawmin, hraichawi chunnu luaithlinul ti tam tu ah lo chang chhovin, ka leikan thlengin duat takin min enkawl a. Ka rilruah engmah reng a awm lo, ka hmalam hun ka thlir thiam lova, ka hun kal tawh pawh ka dawnkir thiam hek lo, eng hun nge ka tawnlai mek tih pawh ka hrethiam chuang hek lo.

Kum leh hun reitak chutianga ka tal hnu chuan, ‘U A MA’ hmang tlemte aiin ‘U A MA’ lo hmang tam tawhte chu an fing zawk na ngai e, an tih thin ang pawh chu ka la hrethiam chuang pha reng renglo, chutiang reng reng a hun leh kumte ka hman fe hnu ah pawh chuan ka lu chhungah hian Thluak finna a khat aiin Thluak Thawlna a khat hian a la luah hnem zawk zel tih chu hai rual lovin a lo lang chhuak thin.

Lenrual kawm nuam ka tih em avangin lenrual tak tam ka pawl a, A te a lian thlengin, miin “a fing, a A” an tih thlengin ka theih ang tawkin ka kawm ve hlawm a; chutiang bawkin thil tha leh thil thalo te pawh ka theih ang tawkin ka thlir ve bawk thin. Ka tih tum loh tih chang ka ngah a, ka tih tum tih loh chang ka ngah bawk. Mi thenkhatin fel min tih laiin thenkhatin sual min ti bawk a, keimah ah chuan mi hrang hrangin ngaihdan hrang hrang an neih avangin tumahin ka mize diktak an hre thei bawk hek lo, mi rin ang ka ni lova, mi rinloh ang ka ni bawk hek lo, Kei ngei pawhin miin eng angin nge min ngaih ka in hrethiam lova, hrethiam tur pawhin miin ka lakah rindan hrang hrang an neih avangin khawi nge dik ber, ti a thutlukna lo siam tur pawhin thutlukna mumal ka siam thei hek lo.

Thil thalo ka tih leh ka duh loh em em te ka tih leh thin avangin leh tha ka tih em em tih ngei a ka duh te pawh ka tih loh fo avangin, kei ngei pawh chu ka in ringhlel fo thin. Chutiang ang reng reng a ka khawvel nun ka hman thin avang chuan keimah ah pawh chuan eng ang mizepu nge ka nih ka in en let fo a, ka hrethiam thei silo.

Milian leh mihausa chetin khawlai ah ka che a, inchhung en tlak awm silo, a kawrawng hian a kawrawng em em bawk si. Nimahsela, ka khawsak/awmdan chu ka nihna a ni ve ve a ni tho bawk si. Ka khawsak bul hrelo tan chuan Milian zingah min chhiar tel pawh a ni thei e, a dikna chen a awm a lawm, Kan in chhungkhawsak chuan daihlo mahse ka rilru a milen na kha an mi tehfungah ka ngai thei bawk, Kan in chhungkhur hre tan chuan rethei berhte a min dah pawhin an ti dik tho e, Ka rilru a milen na en lovin ka khawsakna an thlir a ni mai a!

Tawngkain ka hausa a, atakah ka neilo a ni ve mai a, tiin inhnemna ka zawng thin. Ka nihna ni a ka hriat leh ka khawsak a in mil silo, ka khawsak ka enin ka nihnatur niin ka hre thei bawk silo, ka khawsakna leh ka nihnaah chuan ka lungawi thei lova mahse tihngaihna ka hrechuang bawk silo. rilru mangang reng rengin hun leh kumte hmang zovin, an liam zel bawk a. Ka thih dawn thleng chuan ka nihna chu ka hre thei ta lova, ka nihna ngei pawh chu hrechhuak ta lo chuan, thlafamrun ka kai san ta, tumahin tunge ka nih a, enge ka nih pawh chu an hrechhuak thei ta biklo, kei ngei pawhin ka ngaihtuah chhuak hman ta silo.

Thawm deuhdut chuan min rawn tiphu chiang kher mai, ka harh zawk chu kan han hawikual nak chuan ruahthimpui sur tur hi tek nen a lo in mung thim vut vut tawh hi a lo ni a. hmanhmawh takin ka chhohna kawngah bawk chuan ruahnan hlauin ka tlan thla vat a, tlanghnuai a run In lo hmasa ber ka thleng hman tawk tih chuan a maka maka tam ruah a rawn sur ta a, run In lo hmasa ber dithlifarfem hnuaiah chuan ka tlan lut a, thut theihna khawp a zau a nih si loh avangin ruahsur ban nghak chuan a ka ding ta char char, ka rilruah chuan ka mumang mawlh kha a la lang a, ti hian ka ngaihtuah chhun zawm ta a.

‘Kan mimal nun theuh hi in zawt ta ila, Kan nihna chu kan hria a lawm kan ti theuh awm e, “TUNGE KA NIH A, TUNGE KEIMAH ?” mahni nihna hriat loh tluk a thil zahthlak leh nuihzat thlak hi a awm dawn em maw ni le.

Mitdel thil dapin han dap den den ta ila, kan nuih a za hauh lo ang le, Kohhranpuipa ni chung si a Eiruk, Ramhruaitu ni chung si a Ram aia mahni vuah leh vangte hmangaih zawk, Eiruk hua leh nuihzat si a mi eiru tura nawr. Mipui rawngbawl tura sorkar rawih nisi a dawrtu mipuite tana harsatna thlentu, Neih engmah nei silo neilo anga lang hreh, Zirlai nisi a khawlai a hmuhtur tam em em. Heng a chunga mite hi nihna lo ang vek a nung an nih si chuan MAHNI NIHNA HRE LO zingah chhiar telloh theih a nih si loh chuan Kan nuizata te zingah chuan kan lo tel ve reng a lo ni. TUNGE KA NIH A, TUNGE KEIMAH ? tih hi mahni inzawt nawn fo thin ang u’

Ramsiam thatna Politics nilovin Chhungkua leh Kohhran atang zawkin maw le

Kei a kar a B.P.O. atanga ke a ni thum kal a awm leh nghal, khawpui pawh vawikhat mah la hmu lo leh nghal, “I rinna i dampui e” tih ang deuhin kan Mizoram chhung hi rinna mit chungah Zion tarmit nen i han thlir dawn teh ang, Kan tih dik loh emaw kan sawisual a awm chuan ka thlaphan loh kha maw, thiante’n, “Puih i ngaih phawt chuan min rawn pun rawh, ngal chat khi khawk tla khawp pawhin kan tlanchhiatpui ang che” an tih kha maw, tlan chhe ti tihdeuh, chhe lo ti tih deuhin i han chhui kual ang hmiang.

‘Chanchin thain kan ramah Ramhuai a um bo,’ tih a awm kha maw, i han bel chiang dawn teh ang. Nia, hei thingbul lungbul kan biakna atang pawhin kan kal leh ta duai mai, kum za kan tlinna pawh kum eng emaw kal taah kan lawm a ni leh ta reng mai. Mizote hi eng ang mi zia pu nge kan nih? Kan hrilhlawktuin Tuipui ral a tangin mingo an lo kal anga an thu inlo awih dawn nia a tih avang ngawta awi em ni kan nih le?

Kut zungpui ninhlei leh chimawm

“Tunlai Aizawl a pui a pang ho chu an a zo tawh an chet phung reng a mak e mai! Chempui, tuthlawh leh Chemkawi vawn nilen nen chuan a dang khawp mai! beng lehlam hupin an kal nui vur vur a, a khat tawkin an sik leh ang zeuh zeuh a.”

Tuthlawh leh chempui hum nilen leh Mobile phone nilenga vawn chu in thlau tak a ni.